Viktimë e sulmit terrorist që tronditi Vjenën mbrëmjen e të hënës ka mbetur edhe një i ri shqiptar.Nexhip Vrenezi ndodhej me miqtë e tij teksa kishte dalë jashtë lokalit për të ndezur një cigare, në momentin kur është qëlluar nga agresori.

Mediat austriake bëjnë të ditur se ai është një nga katër viktimat e sulmit terrorist në Vjenë të Austrisë. Lajmi është konfirmuar dhe nga të njohur të 21-vjeçarit Vrenezi, i cili ishte gjithashtu me origjinë nga Struga e Maqedonisë së Veriut.

“Nexhip Vrenezi nga Veleshta mbrëmë u vra pas shpine nga Terroristët në momentin që ai doli për cigare para lokalit ku pinte kafe me shokë! Nuk vrasin burrat as për fe e as për komb pas shpine një të ri 21 vjeçarë! Zoti parajsën!”, shkruan njëri prej të njohurve të viktimës.

“Nexhip Vrenezi 21 vjeç u ekzekutua pa meshirë nga bashkombasit e tij terroristë. Çdokush prej nesh akoma nuk i besohet ajo qe ndodhi, nje djal i pa fajshëm, nje engjell u shkeput dhe na rrenoi zemrat të gjithëve.
Ngushllime familjes, ngushllime të gjithëve, kjo dhimbje nuk perballohet lehtë 😭”, shkruan faqja Made in Struga.

By admin